• Mirësevini tek Forumi Virtual

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diksutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti.

    Regjistrimi është plotësisht falas në komunitetin tonë, pasi të regjistrohesh do të gëzosh shumë të drejta si të japesh mendimin tënd në një diskutim, të hapësh një diksutim tëndin, të komunikosh me anëtarët e tjerë të komunitetit në mënyrë private, të marësh pjesë dhe të votosh në konkursin e poezisë dhe të fotografisë dhe shumë opsione të tjera... duke përdorur mënyrën më të thjeshtë dhe të sigurtë për tu rregjistruar
    GOOGLE Microsoft Yahoo

    Për cdo problem mos hezitoni të na " KONTAKTONI ".

"Apolonia e Ilirisë”, mundëson vizitë virtuale në parkun arkeologjik

-800-0-5ffd40d50cd26.jpg

Parku kombëtar arkeologjik i Apolonisë është një nga më të bukurit dhe më të vizituarit në vendin tonë. Parku kombëtar arkeologjik i Apolonisë është një nga destinacionet më të rëndësishme turistike të qarkut të Fierit e më gjerë, i cili tërheq vizitorët vendas e turistë të huaj.

Ministrja e Kulturës Elva Margariti shprehet se tashmë ka një mundësi më shumë për ta njohur e vizituar këtë park. “Aplikacioni "Apolonia e Ilirisë", i pari në Shqipëri ju mundëson vizitën virtuale në këtë thesar të trashëgimisë sonë kulturore.
Shkarkojeni nga play store, falas”, shkruan ministrja e Kulturës Elva Margariti, në një status të saj në Facebook. Parku arkeologjik i Apolonisw ndodhet 12 kilometra larg qytetit të Fierit. Rihapja e muzeut arkeologjik në pakrun e Apolonisë, por dhe peizazhi magjepsës,objektet dhe monumentet e shumta që mbart, vula e zhvillimit të antikitetit, e bëjnë qytetin antik që të jetë në vëmendje të vizitorëve. Apolonia si qytet u themelua në fillim të shekullit të shtatë para Krishtit në tokat e Taulantëve Ilirë nga kolonizatorët grekë që vinin nga Korinti.

Të dhënat e para të pranisë së tyre janë të dokumentuara rreth vitit 620 para Krishtit. Emrin qyteti e mori për nder të perëndisë Apollon. Ndër 24 qytete në të gjithë botën mesdhetare që mbanin këtë emër në antikitet, Apolonia e Ilirisë ishte më e rëndësishmja dhe luajti një rol të madh si ndërmjetëse tregtare mes helenëve dhe ilirëve.

Apolonia ishte në atë kohë një qytet i madh e i rëndësishëm në afërsi të lumit Aoos (Vjosë). Llogaritet që qyteti të ketë pasur rreth 60 000 banorë, një shifër rekord për antikitetin! Apolonia e ruajti madhështinë e saj edhe në periudhën romake. Shkolla apoloniate e arteve të bukura ishte me famë në të gjithë botën antike. Arkeologët e quajnë Apoloninë, Pompei i Shqipërisë, pasi vetëm 10 për qind e territorit të qytetit të dikurshëm është zbuluar deri më sot. Territori i madh i mbuluar me monumente të ndryshme e bëjnë parkun arkeologjik Apolonia një destinacion të privilegjuar për turizmin kulturor në Shqipëri.

Sot.com.al
 
Private conversations
Help Users
    Top